قصه بنت في الجامعه :-
مين كريم اللى عملى Like ده , شكله حلو ,اما اخش اشوف بروفه , اوووه ده فى جامعه القاهرة يبقى اكيد شافنى و عايز يتقدملى و بيstalk على البروفيل , اصلى كاتبه حته من اغنية ماجدة الرومى , كده يبقى ذوقة عالى زى كنت متأكده ان بينا حاجات مشتركة كتير , ايه ده ده دكتور مممممم بموت فى البالطو الابيض بس هو معاه بنات حلوه فى الدفعه , اشمعنى انا , اكيد اختارنى عشان شخصيتى , ده متصور فى الجيم , كويس والله فكرنى انا عايز انزل الجيم عشان انا عملت فورمة ابو انس السورى , لازم انزل بردو هو حبنى عشان شخصيتى بس الشكل مهم بردو اكيد مع انى بحب جسمى و اللى هيحبنى هيحبنى عشان روحى اكيد , ايه ده مين نانسى اللى بتكلمه فى الكومنتات , ايه ده ايه ده ديه عملاله تاج فى مطعم سوشى , كده ياكريم بتخرج مع نانسى المعفنة ديه , ايه ده ثانية واحده ده متصور معاها فى قاعه خطوبة , يانهارك اسود ياكريم انت خطبت, كده ياكريم ياخاين انا كنت عارفه ان الرجاله كلهم كده , ربنا مش هيباركلك عشان كسرت قلبى وانا انسانه بريئة وحبت واحد قال يحميها , ايه ثانية مين تامر اللى عملى like ده , شكله حلو, اما اخش اشوف بروفيله ............
0 تعليق على موضوع : قصه بنت في الجامعه
الأبتساماتأخفاء الأبتسامات