مش عيب إنك تدخل مطعم هتصرف فيه الشئ الفلاني و لقيتهم بيبعوا إزازة المياه ب ١٥ جنيه فتخرج تجيب واحدة من بره و تيجي
و مش عيب إنك ترجَّع حاجة بجنيه للسوبر ماركت عشان يعني ده جنيه مش مستاهلة
و مش عيب إن أما يتبقالك نص جنيه في محل/ تاكسي/ مطعم تقوله فين النص جنيه..
العيب إنك ترضى إن الناس تحطك بالعافية في "قالب" معين..
انتَ معاك فلوس ف مش مشكلة النص و مش مشكلة اصرِف ١٥ في مياه..
و انتِ شاريه هدوم ب ٥٠٠ جنيه هو الجنيه ده هيفرق معاكي..
و انتَ خارج من سيتي ستارز لازم تكون بنك و أدفعك المشوار الضعف..
العيب إنك تُحرج من إنك تظهر على طبيعتك، ازاي هبان قدام الناس إني فارق معايا الفلوس لازم ابقى لارچ.. و لازم أبين إنه عادي و المظهر و البرستيچ..
التجارة دي عملية أخذ و عطا، هو بيديني الخدمة في مقابل مبلغ معين من الفلوس، الخدمة لو مش عجباني مش هستخدمها و لا هدفع فلوس، و لو عجبتني و هدفع يبقى هدفع اللي ليا و لو عايزة أزود يبقى مني أنا مش إن حد يركبني و ياخد حقي و لو في مبلغ أتفه من التفاهه
اللي بيطالب بفلوسه ده مش "معفن" زي ما بتقولوا، ده واحد فاهم إن ليه حق مش أكتر و لا أقل
شكرًا
0 تعليق على موضوع : مش عيب !
الأبتساماتأخفاء الأبتسامات